«Умид» мактаб-интернати

Куни кеча мактаб-интернатимизнинг фаоллар залида ўқитувчилар ва ўқувчилар иштирокида таълим  муассасасида ўқувчилар тарбиясига, билим олишига бўлган масъулиятларини ошириш, ўқувчилар ўртасида жиноятчилик ва ҳуқуқбузарлик ҳолатларининг олдини олиш ҳамда турли ёт ғоялар таъсирига тушиб қолишларини олдини олиш мақсадида «Ўз уйингни ўзинг асра!» мавзусида давра суҳбати ўтказилди.

Тадбир дастлаб Ўзбекистон Миллий телерадиокомпанияси «Ёшлар» телеканалида эфирга узатилган «Интернетга ин қурган ўргимчаклар» кўрсатувида намойиш этилди.

Шундан сўнг, “Умид” мактаб-интернати маънавият ишлари бўйича директор ўринбосари Абдуллаева Нигора, Жиззах вилояти Ички ишлар бўлими вояга етмаганлар билан ишлаш бўлими катта инспектори Холмирзаева Санобарлар сўзга чиқишиб, ўқувчи ёшлар ўртасида гиёҳвандлик ва ҳуқуқбузарликнинг олдини олиш, уларни турли диний оқимларга кириб қолишдан сақлаб қолиш чора-тадбирлари хусусида маъруза қилдилар.

Тадбир сўнгида ўқувчилар ўзлари қизиққан саволларга жавоблар олишди.