Таълим / Образование

Президент мактабларига кириш учун қандай хужжатлар талаб этилади? Президент, ижод ва ихтисослаштирилган мактабларни ривожлантириш агентлигининг берган хабарига кўра, талабгор бир неча хужжатларни тақдим этиши зарур.

Булар:

1. Туғилганлик тўғрисида гувоҳнома (kinder pasport) нусхаси;
2. Белгиланган шаклдаги маълумотнома (талабгор таълим олаётган мактаб директори томонидан тасдиқланган нусхаси);
3. 3×4 ўлчамдаги расм (охирги 2 ой давомида туширилган);
4. Баҳолар табелининг нусхаси (мактаб директори томонидан тасдиқланган ўқув йили натижасига кўра);
5. Талабгор ҳамда унинг ота-онаси ёки уларнинг ўрнини босувчи шахслар фуқаролик паспорти маълумотлари (телефон рақами, электрон почта манзили).

Президент мактабига хужжат топшириш жараёнида хужжатлар қуйидаги ҳолларда рад этилади:

• Белгиланган муддатлардан кейин саралаш танловида иштирок этиш хоҳишини билдирган тақдирда;
• Талабгор ўқув йили натижасига кўра мазкур тартибда кўрсатилган фанларни аъло баҳоларга тугатмаган бўлса;
• Талабгор таълим олаётган мактабнинг будудий мансублиги Президент мактабининг ҳудудий мансублигига мос келмаган ҳолда;
• Ҳужжатлар тўлиқ тақдим этилмаганда
• Тақдини этилган хужжатларнинг ёзуви, имлодаги ёзувлар сифатсиз ҳолда нусхаланган бўлса;
• Чет эл фуқароси бўлса;
• Умумтаълим муассасаларининг тегишли синфларида ўқишни тўлиқ тамомлаган ва Президент мактабида худди шундай синфида такроран ўқиш истагида бўлса хужжатлар рад этилади.