Ўқитувчининг шароити яхши бўлса, жамиятда кайфият ўзгаради — президент

“Муаллимлар учун ипотекани арзонлаштириш масаласини муҳокама қилишга тайёрман” – деди давлат раҳбари педагоглар билан учрашувда.


Ўқитувчининг шароити яхши бўлса, жамиятда кайфият ўзгаради — президент

“Мактаб қуриб беришимиз шарт, бу бизнинг вазифамиз. Лекин мактабнинг ичидаги билим, муҳит, маънавиятни сизлар яратиб берасизлар. Биласизми, сизлар тарбия қилган фарзанд 10-15 йилдан кейин ўз натижасини кўрсатади. Бунинг учун қанча сабр-тоқат кераклигини мен яхши тушунаман. 10 йил мактаб, 5 йил институтда ўқиган ўқувчингиз етук инсон, мутахассис бўлиб етишса, сизлар бахтли бўласизлар.

Мен муаллимларимиз турмуш шароитини яхшилаш бўйича ҳар қандай таклифларни ўрганишга тайёрман. Бир йўналиш – ўқитувчилар учун ипотека шартларини енгиллаштириш бўйича ўйлаб кўришимиз мумкин. Бу ҳам ўзига хос енгиллик. Чунки ўқитувчининг шароити яхши бўлса, жамиятда кайфият ўзгаради.

Лекин таълимга жиддий эътибор беришимиз, ҳар куни ўз устимизда ишлашимиз шарт. Мана бир мисол – репетитор бир йилда болаларимизга тил ўргатади. Мактаб эса 10 йил ҳам ўргата олмаса, бу ҳолат бизни ўйлантириши керак” – деди президент.



🔥718 марта кўрилди

Fikr bildirish

55863853