Бугун 1-май куни Олий Мажлис Қонунчилик палатасидаги “Миллий тикланиш” демократик партияси фракцияси йиғилиши бўлиб ўтди. Унда “Педагог ходимнинг мақоми тўғрисида»ги қонун лойиҳаси кўриб чиқилиб, бир овоздан маъқулланди.
Ушбу қонун лойиҳасига кўра, қуйидаги ўзгаришлар назарда тутиляпти:
- педагоглар мансабдор шахсларнинг хатти-ҳаракатлари устидан судга мурожаат қилганида давлат божини тўлашдан озод этилади;
- педагог ходимни лавозим мажбурияти ва касбий фаолияти билан боғлиқ бўлмаган ишларга, йиғилишлар ва бошқа тадбирларга жалб қилиш тақиқланади;
- илк бор касбий фаолият бошлаётган шахсга бир ўқув йили даврига ўқитувчи-мураббийликни амалга оширувчи педагог ходим бириктирилади;
- давлат таълим ташкилотларида фаолият юритаётган педагог ходимлар давлат соғлиқни сақлаш муассасаларида мажбурий тиббий кўрикдан бепул ўтади;
- педагог ходимнинг касбий фаолияти давомида юқумли касалликларга қарши бепул профилактик эмлаш давлат томонидан таъминланади.
Ўхшаш мавзулар
Дарслар онлайн бўлса, ўқитувчилар уйда ишлаши мумкинми?
Хориждан ўқишни кўчириш бўйича аризаларни қабул қилиш бошланди
Мактаб ўқитувчиларининг қанчаси коронавирусга қарши эмланди?
Совуқ об-ҳаво шароитида ўқувчи қизларнинг мактабга шим кийишларига рухсат берилади
“eMaktab” платформасида янги баҳолаш тизими бўйича ўқитувчилар учун курс тақдим этилди
«Сўнгги қўнғироқ» тадбирлари учун турли хил пул йиғимлари қатъиян таъқиқланади — ХТВ