Қабул хужжатлари

Хар йилнинг 20-июндан 20-июлгача бўлган вақт оралиғида мактаб-интернатимиз 7-синфга янги ўқувчиларни рўйхатга олади. Сўнгра 1-20 август оралиғида тест синовлари бўлиб ўтади. Фақат энг зукко, ақлли ва ўқишга чанқоқ ёшлар «Умид» мактаб-интернати ўқувчиси номига эга бўлишади.

school Uzbekistan

Жиззах вилояти ХТБга қарашли “Умид” ИДУМИга 2020-2021 ўқув йили учун ўқувчилар қабули билан боғлиқ савол-жавоблар:

Нечанчи синфдан ўқувчилар қабул қилинади?
– фақат 7 синфдан.

Хужжатларни қаерда топшириш мумкин?
– хужжатларни @umid_school_bot телеграм боти ёрдамида топшириш мумкин.

Қандай хужжатлар топширилади?
◽️ мактаб-интернат директори номига ариза (НАМУНА);
◽️ туғилганлик тўғрисидаги гувоҳноманинг нусхаси;
◽️ 3 х 4 ҳажмдаги 4 та фотосурат.

Хужжатлар қачондан топширилади?
хужжатлар 1 – 20 июль кунлари топширилади.

Қайси фанлардан имтиҳон бўлади?
– она тили, математика ва инглиз тилидан тест синовлари бўлади.

Имтиҳонлар қачон бўлади?
2020 йилда 7 синфга қабул имтиҳонлари 15 сентябрь куни Cўғдиёна марказий стадионида 16:00 да бўлиб ўтди.

Батафсил маълумот www.idum.uz сайти ва @umid_school телеграм каналида ёритилади.

🔥1.6 K марта кўрилди

17 thoughts on “Қабул хужжатлари

  1. Азамат Шодиев

    Салом, мен Кашкадарё вилоятиданман, углим шу йили бошлангич синфни тугатади. Мактабингизда бошка вилоятлардан бориб укиш имконияти борми?

    1. Admin

      Ваалайкум ассалом. Мактаб-интернатимизда бошқа тумандан келган ўқувчилар учун ўқиш имконияти бор: алоҳида ётоқхона ва 3 маҳал иссиқ овқат берилади. Ўқишга кириш учун ўғлингиз 1-15 август оралиғида бўлиб ўтадиган имтихонда керакли балларни жамғарса бас. Ўғлингиз учун битта тўсиқ мавжуд: у 4 синфни тугатган бўлиши керак.

  2. Жамшид

    Ассалому алайкум.
    Билмоқчи бўлганим, мактабга фақат 4- синфдан кейинми, бошланғич синфга ўқувчи қабул қилинмайдими?
    Имкон бўлса, йўналишлар тўғрисида маълумот берсангиз?
    Раҳмат

    1. admin

      Ваалайкум ассалом.
      «Умид» мактаб-интернати фақат 7 синфни битирган ўқувчиларни тест асосида қабул қилади. Алоҳида йўналиш йўқ, хамма синфлар хорижий тиллар, хусусан инглиз тилига ихтисослаштирилган. Ўқув йили якунида 11-синф битирувчиларни инглиз тилида бемалол сўзлаша оладилар.

      1. Жамшид

        Аввало, эътибор учун катта раҳмат.
        Яна бир нарсани сўрасам, ўқиш рус тилида олиб бориладими ёки аралаш (ўзбек-рус). Буни мактабда рус тилини ўргатиш қай даражадалигини билиш учун сўраётган эдим.
        Раҳмат.

        1. admin

          Бундан 3 йил олдин баъзи дарслар тўлиқ инглиз тилида олиб бориларди. Лекин япониялик мутахассиснинг шартномаси тугаганлиги сабабли ҳозирда дарслар фақат ўзбек ва рус тилларида олиб борилади. Алоҳида рус гуруҳлари бор.

  3. javohir

    Ассалому -алайкум илтимос батафсил маьлумот берсангиз 9-синфни битирган укувчилар хам укиш имкониятига эгами ёки факат 4-синфни битирганларгина кира олишадими.

    1. admin

      6-синфни битиргандан сўнг хужжат топширишади, тестдан ўтишса мактаб-интернатимизда ўқиш имкониятига эга бўлишади.
      9-синфни битирган ўқувчилар кейинги босқич, коллеж ва академик лицейларда ўқишади. Бизда ўқиш фақат 5 синфдан 9 синф сўнгигача бўлади.

    1. admin

      Сайт тўлиқ икки тилда яратилган. Сайтнинг теппа ўнг бурчагида байроққа боссангиз тил ўзгаради. Сайт яратилган вақтда бундай имконият йўқ эди, шунинг эски постларда икки тил бир саҳифада қолиб кетган.

  4. Дилшод

    Ассалому алайкум. Ўқувчини қабул қилишдаги тест саволлари нималардан иборат? Тестга аввалдан тайёрлаш бўйича қандайдир йўриқнома мавжудми? Ўқитиш тизими пулликми ёки бепул? Овқатланиш ва ётоқхоналар нархи қанча? Кам таъминланган оила фарзандлари учун қандай имтиёзлар бор? Жавоб учун аввалдан рахмат.

  5. Жамшид

    Ассалому алайкум. Аввало яқинлашиб келаётган Наврўз байрами ҳаммага муборак бўлсин. Янги манзилларингиз барокатли бўлсин!
    Мен илгари ҳам мурожаат қилган эдим ва ҳозир шароитлар ўзгарди, жойлашган жойларингшиз ҳам.
    Сўрамоқчи бўлганим, ҳозир ҳам 5- синфдан бошлаб қабул қилинадими ва қандай қилиб қабул шартлари билан тўлиқроқ танишса бўлади?
    Эътибор ва жавоб учун олдиндан раҳмат.

    1. admin Мавзу муаллифи

      Ваалайкум ассалом. Раҳмат, сизни ҳам кириб келаётган Наврўз аёми билан! Бу йил янги низом бўйича ўқувчиларни 7 синфдан имтиҳон билан қабул қиламиз. Қабул жараёни июнь ойининг ўрталарида бошланиши мумкин. Анниқ маълумотни сайтда эълон қиламиз.

Fikr bildirish

Email manzilingiz chop etilmaydi. Majburiy bandlar * bilan belgilangan

Расмдаги белгиларни киритинг

*

55863853