Ушбу саҳифада Халқ таълими вазирлиги Фан олимпиадалари бўйича иқтидорли ўқувчилар билан ишлаш департаменти томонидан онлайн олимпиадада қатнашувчи ўқувчилар учун йўриқнома яратилган бўлиб, қўйида батафсил танишиб чиқишингиз мумкин.
Онлайн олимпиадалар ташкил этиш ва иқтидорли ўқувчилар захирасини шакллантириш ахборот тизимидан фойдаланиш бўйича ўқувчилар учун йўриқнома
Онлайн олимпиадалар бўйича энг кўп бериладиган саволларга жавоблар
1. Савол: Онлайн олимпиадада иштирок этиш учун қаердан рўйхатдан ўтилади?
Жавоб: Онлайн олимпаидаларда иштирок этиш учун қуйидаги ҳавола орқали онлайн рўйхатдан ўтиш мумкин: https://oo.uzedu.uz/Account/SignIn
2. Савол: Рўйхатдан ўтаётганимда бундай гувоҳнома серия рақами рўйхатдан ўтказилган деб чиқмоқда. Бу вазиятда қандай қилиб рўйхатдан ўтаман?
Жавоб: oo.uzedu.uz тизимида ўтказиладиган онлайн олимпиадаларда бир маротаба рўйхатдан ўтиш етарли. Мисол учун 4 синф ўқувчилари рўйхатдан ўтгач, ўз логин пароллари ёрдамида 11 синф бўлганда ҳам иштирок эта олади. Кўпчилик онлайн олимпиадада иштирок этиш учун қайта рўйхатдан ўтишга уриниб кўради ва шу сабабли бундай гувоҳнома серия рақами мавжудлиги тўғрисида огоҳлантириш хабари чиқади. Тизимдан олдин рўйхатдан ўтган лекин логин паролини унутган ўқувчилар ўз логин ва паролларини олдин рўйхатдан ўтган мактабларига мурожаат қилиб олишлари мумкин.
3. Савол: Рўйхатдан ўтдим лекин логин ва парол келмади, тизимга қандай кираман?
Жавоб: oo.uzedu.uz тизимида рўйхатдан ўтган ўқувчилар логин паролларини ўзлари ўйлаб топиб, қуйидаги кўрсатилган логин ва парол катакларига киритадилар. Айнан шу киритилган ва рўйхатдан ўтиш муваффаққиятли амалга оширилгандан сўнг ўқувчи айнан шу киритилган логин ва парол ёрдамида oo.uzedu.uz тизимига киради.
4. Савол: Тизимдан рўйхатдан ўтиб бўлдим лекин тасдиқлай олмаяпман. Қандай қилиб тасдиқлаш мумкин?
Жавоб: Онлайн олимпиадаларда иштирок этиш учун рўйхатдан ўтган ўқувчи айнан у рўйхатдан ўтаётганда тизимда танлаган таълим муассасаси томонидан (ўқув ишлари бўйича директор ўринбосари ёки информатика ўқитувчиси) oo.uzedu.uz тизимига кириб ўқувчи ростдан ҳам шу таълим муассасаси ўқувчиси бўлса тасдиқлаши, акс ҳолда рад этиши талаб этилади.
5. Савол: Тизимдан олдин рўйхатдан ўтганман лекин ҳозир бошқа мактабда ўқияпман. Қандай қилиб мактабимни ўзгартира оламан?
Жавоб: Тизимдан олдин рўйхатдан ўтган лекин ҳозирда бошқа мактабга кўчган ўқувчилар, рўйхатдан ўтишда шахсий маълумотларини ўзи билмаган ҳолда хато киритиб рўйхатдан ўтган ўқувчилар ўз шахсий кабинетларини тизимдан ўчириб юборишлари керак бўлади. Ўчириб бўлгач тизимдан қайта рўйхатдан ўтаётганда айни дамда таҳсил олаётган мактабларини танлаб рўйхатдан ўтишлари керак бўлади.
6. Савол: Рўйхатдан ўтмоқчиман лекин мактабим oo.uzedu.uz тизимида чиқмаяпти. Мактабимни қандай қилиб танлайман?
Жавоб: Рўйхатдан ўтмоқчи бўлганингизда, агар мактабингиз рўйхатда мавжуд бўлмаса, мактабингиз маъмуриятига мурожаат қилишингиз ва мактаб ўз ҳудудидий халқ таълими бошқармасига мурожаат қилишлари керак бўлади.
