1-4 декабр кунлари Бебрас мусобақаси онлайн тарзда бўлиб ўтади. Бу ҳақида Мактабгача ва мактаб таълими вазирлиги Фан олимпиадалари бўйича иқтидорли ўқувчилар билан ишлаш департаменти хабар бермоқда.
Тайёргарлик даражасидан қатъий назар, барча 4-11-синф ўқувчилари иштирок этишга таклиф этилади. Бебрас мусобақаси ўқувчиларнинг саводхонлиги ва илмий кўникмаларини ривожлантиришга қизиқишини оширишга қаратилган.
Мусобақа ўтказилиш жадвали:
— 4-синфлар, 1-декабр соат 10:00 дан 20.00 гача;
— 5-6-синфлар, 2-декабр соат 10:00 дан 20.00 гача;
— 7-8 синфлар, 3-декабр соат 10:00 дан 20.00 гача;
— 9-10-11-синфлар, 4-декабр соат 10:00 дан 20.00 гача;
(Тест синовлари учун 1 соат вақт ажратилади)
7-11 синфлар энг юқори баллар олган иштироқчилар учун иккинчи босқич 2024-йил январ ойида Тошкент шаҳрида жойлашган Янги Ўзбекистон Университетида бевосита оффлайн тарзда ташкил этилади. Ғолиблар учун совғалар мавжуд.
Мусобақа oo.uzedu.uz тизимида ўтказилади.
Натижалар 4 декабр соат 22:00 дан кейин шахсий кабинетингизда натижалар бўлимида эълон қилинади.
Ушбу олимпиадада иштирок этиш учун рўйхатдан ўтиш шарт!
Рўйхатдан ўтиш учун ҳавола 👉 https://oo.uzedu.uz/Account/SignIn
