O‘zbekiston Respublikasi Konstitutsiyasi kuni munosabati bilan o‘quvchilar uchun Davlat va huquq asoslari fanidan “Konstitutsiya – bosh qomusimiz” nomli onlayn olimpiada o‘tkaziladi. Bu haqida Maktabgacha va maktab ta’limi vazirligi Fan olimpiadalari bo‘yicha iqtidorli o‘quvchilar bilan ishlash departamenti xabar berdi.
Olimpiadada 8-9-10-11-sinf o‘quvchilari ishtirok etishi mumkin.
8-sinf o‘quvchilari uchun — 5-dekabr;
9-sinf o‘quvchilari uchun — 6-dekabr;
10-sinf o‘quvchilari uchun — 7-dekabr;
11-sinf o‘quvchilari uchun — 8-dekabr kunlari o‘tkaziladi.
Onlayn olimpiada soat 10:00 dan 19:00 ga qadar oo.uzedu.uz tizimi orqali o‘tkaziladi. O‘quvchilarga 20 ta test topshirig‘ini bajarish uchun 1 soat vaqt beriladi.
Olimpiada natijalari va QR-kodli ishtirokchi sertifikatlarini o‘quvchilar onlayn olimpiada yakuniga yetgach 1 kundan keyin tizimda ko‘rishlari va yuklab olishlari mumkin bo’ladi.
❗️Onlayn olimpiadalarda ishtirok etish uchun o‘quvchilar ushbu havola orqali ro‘yxatdan o‘tishi shart!
O‘quvchilar olimpiadada qatnashishlari uchun ushbu yo‘riqnomadan foydalanishlari maqsadga muvofiq.
Onlayn olimpiadalarda ishtirok etish mutlaqo bepul.
