Asosiy fan olimpiadasi ishtirokchilari uchun ruxsatnomalar e’lon qilindi. Ruxsatnomasiz olimpiadaning II bosqichida ishtirok etishga ruxsat berilmaydi!
Asosiy fan olimpiadasining II — tuman (shahar) bosqichi 15-oktabrdan boshlanishi munosabati bilan barcha o‘quvchilarning ruxsatnomalarini olimpiada.uzedu.uz platformasi orqali yuklab olish mumkin.
Eslatma:
– O‘quvchilar imtihonga shaxsini tasdiqlovchi hujjatning asl nusxasi va ruxsatnoma bilan kelishlari lozim.
– Hujjat topshirmagan, imtihonga kechikkan yoki kelmagan o‘quvchilar uchun qo‘shimcha tanlov o‘tkazilmaydi.
– Boshqalardan ko‘chirishga urinish yoki ularga xalaqit berish imtihondan chetlashtirishga sabab bo‘ladi.
– Shpargalka, har qanday mobil aloqa vositalari, kalkulyator, lug‘at va kitoblardan foydalanish taqiqlanadi.
Barcha o‘quvchilar va mas’ul ustozlardan ushbu talablarni inobatga olish hamda ruxsatnomalarni o‘z vaqtida yuklab tavsiya etiladi!
