Агентлик тизимидаги таянч ихтисослаштирилган мактабларнинг кириш имтиҳонлари санаси эълон қилинди. Бу ҳақда Президент таълим муассасалари агентлиги хабар бермоқда.
Таянч ихтисослаштирилган мактабларининг имтиҳонлари жорий йилнинг 25-26 июл кунлари бўлиб ўтади.
Имтиҳон рухсатномасини юклаб олиш учун талабгорнинг ariza.piima.uz сайтига киритилган телефон рақамларига смс-хабарнома юборилади.
СМС-хабарнома боргандан сўнг, рухсатномани юклаб олиш учун талабгор ariza.piima.uz сайтига кириб, “Шахсий кабинет”ига ўз ID рақамини киритиши керак.
Кириш имтиҳонлари бир босқичда йўналишлар бўйича қуйидаги тартибда ўтказилади:
Аниқ фанлар йўналиши учун:
— математика фанидан 30 та топшириқ (тест шаклида)
— инглиз тили фанидан 15 та топшириқ (тест шаклида)
Табиий фанлар йўналиши учун:
— табиий (sceince) фанларидан 30 та топшириқ (тест шаклида)
— инглиз тили фанидан 15 та топшириқ (тест шаклида)
Талабгорларга топшириқларни бажариш учун 90 дақиқа вақт берилади.
2023-2024-ўқув йилида Ихтисослаштирилган таълим муассасалари агентлиги тизимидаги 3 та Таянч ихтисослаштирилган мактаблари:
▪️ Муҳаммад ал-Хоразмий номидаги ихтисослаштирилган мактабининг – аниқ фанлар йўналиши бўйича 5-синфига;
▪️ Мирзо Улуғбек номидаги ихтисослаштирилган мактабининг – аниқ фанлар йўналиши бўйича 7-синфига;
▪️ Абу Али ибн Сино номидаги ихтисослаштирилган мактабининг – табиий фанлар йўналиши бўйича 7-синфига қабул қилинади.
Имтиҳон натижалари Агентликнинг расмий веб-сайтида эълон қилинади.