Yangi o‘quv yili qachon boshlanadi? Vazirlik oydinlik kiritdi.
Respublika boʻylab barcha umumtaʼlim maktablarida yangi – 2025/2026-oʻquv yili dars jarayonlari joriy yilning 2-sentyabridan (seshanba kuni) boshlanadi.
Qayd etilishicha, maktablardagi oʻquv jarayonining birinchi dars soatlarida “Vatan uchun, millat uchun, xalq uchun!” shiori ostida “Kelajak soati” darslari oʻtkaziladi.
Shuningdek, joriy yilda birinchi sinfga qabul qilinadigan 738 ming nafardan ortiq oʻquvchiga 12 nomdagi oʻquv qurollaridan iborat “Prezident sovgʻasi” tantanali topshiriladi.
Maʼlumot uchun, yangi oʻquv yili litsey oʻquvchilari va OTMlarning 1-kurs talabalari uchun 3-sentyabrdan, yuqori kurs talabalari uchun 8-sentyabrdan boshlanadi.