Гуруҳлар қўшиб ўқитилганида қўшимча ҳақ тўланадими?

Савол: Мен Хоразм вилояти Хонқа туманидаги 10 сон умумий ўрта таълим мактабида информатика фани ўқитувчисиман (декрет таътилидаги ўқитувчи ўрнида ўриндош сифатида). Тоифам мутахассис. Мен ва яна битта ҳамкасбим 3 ойдан бери учинчи информатика фани ўқитувчисининг 20 соат дарсини қўшиб ўтамиз. Бу ҳолатда бизга ҳақ тўланадими? Тўланса қандай тартибда тўланади? Жавоб учун олдиндан рахмат! (Р.М.Э.)

Гуруҳлар қўшиб ўқитилганида қўшимча ҳақ тўланадими?

Жавоб: Вазирлар Маҳкамасининг 2022 йил 2 августдаги 425-сон қарори билан “Халқ таълими ходимлари меҳнатига ҳақ тўлаш тўғрисида”ги низом 22-банд билан тўлдирилди.

Ушбу бандга кўра бўлиб ўқитиладиган фанлар бўйича гуруҳлардан бирининг ўқитувчиси турли сабабларга кўра дарсда бўлмаган ҳолатларда гуруҳлар қўшиб ўқитилади ҳамда қўшиб ўқитганлиги учун қўшимча ҳақ тўловлари амалга оширилмайди.

Демак, эндиликда дарслар бўлиб ўтиладиган фанлардан дарс ўтадиган ўқитувчи вақтинча йўқ бўлган вақтда унинг гуруҳини ўзига қўшиб ўтган ўқитувчига қўшимча ҳақ тўланмайди.

манба



🔥9.0 K марта кўрилди

Fikr bildirish

55863853