2024-yilning 2-yarmida bo‘lib o‘tadigan chet tili imtihon sanalari e’lon qilindi. Bu haqda Bilim va malakalarni baholash agentligi xabar bermoqda.
Chet tilini bilish darajasini aniqlash test sinovlari sentabr, oktabr, noyabr va dekabr oylarida o‘tkaziladi.
Test sinovi uchun talabgorlar my.gov.uz sayti orqali onlayn tarzda ro‘yxatga olinadi.
Ro‘yxatdan o‘tishda talabgorlar o‘zlariga qulay bo‘lgan hududni tanlagan holda mazkur hududda test sinovlarida ishtirok etishlari mumkin.
Test sinovlari qaysi tillardan o‘tkazilishi, ro‘yxatga olish muddatlari va test sinovi o‘tkaziladigan sanalar bilan tanishing:
Sentyabr oyida
Fanlar: ingliz tili, arab tili
Ro‘yxatga olish: 9-sentyabrga qadar
To‘lov qilish: 10-sentyabrga qadar
Test sinovi: 21-22 sentyabr
Oktyabr oyida
Fanlar: ingliz tili, nemis tili, fransuz tili, arab tili, italyan tili, fors tili, koreys tili
Ro‘yxatga olish: 5-oktyabrga qadar
To‘lov qilish: 6-oktyabrga qadar
Test sinovi: 19-20 oktyabr
Noyabr oyida
Fanlar: ingliz tili, arab tili, yapon tili, xitoy tili, dariy tili, urdu, pushtu tili
Ro‘yxatga olish: 9-noyabrga qadar
To‘lov qilish: 10-noyabrga qadar
Test sinovi: 23-24 noyabr
Dekabr oyida
Fanlar: ingliz tili, nemis tili, fransuz tili, ispan tili, uyg’ur tili, hind tili
Ro‘yxatga olish: 14-dekabrga qadar
To‘lov qilish: 15-dekabrga qadar
Test sinovi: 28-29 dekabr
