Одатда мактабларда дарс машғулотлари 45 дақиқа давом этади. Лекин ҳеч уйлаб кўрганмизми, нега айнан 45 дақиқа? Албатта қизиқарли дарс учун 45 дақиқа жудаям кам кўриниши мумкин. Лекин куннинг иссиқ кунлари, бунинг устига 4 чоракда дарс машғулотлари 45 дақиқа бўлиши жудаям узоқ вақтдай кўринади. Буни қарангки, машғулотлар 45 дақиқа бўлишига бир неча сабаблар бор экан.
Олимларнинг эътироф этишича 🔔35 дақиқа — 7 ёшли ва ҳатто 6 ёшли боланинг мияси самарали қабул қилиши учун етарли вақт ҳисобланиб, ана шу вақт давомида ўқувчи ортиқча нарсаларга чалғимасдан, ўқитувчи айтган маълумотларга диққат қарата олар экан.
👩🏻🏫Дарснинг якуний 10 дақиқали қисми эса фан ўқитувчилари дарсда берилган тушунтириш ва янги билимларни мустаҳкамлаш учун қулай вақт ҳисобланади.
Вазирлар Маҳкамасининг 2017 йил 140-сон қарори билан тасдиқланган «Умумий ўрта таълим тўғрисида» ги низом ҳамда белгиланган санитар меъёрлари ва қоидаларига мувофиқ дарс машғулотининг давомийлиги 45 дақиқа этиб белгиланган.
Соҳа мутахассислари томонидан дарс машғулоти учун ажратилган 45 дақиқа вақт қуйидагича тақсимланиши тавсия этилган:
1. Ташкилий қисм (3 минут)
2. Ўтилган мавзуни такрорлаш (7 минут)
3. Янги мавзуни тушунтириш (15 минут)
4. Янги мавзуни мустаҳкамлаш (10 минут)
5. Ўқувчиларни баҳолаш (7 минут)
6. Уйга вазифа бериш (3 минут)
