Umumiy oʻrta taʼlim muassasalarining 9-sinf bitiruvchilari uchun imtihon topshirish tartibi va shakllari belgilangan talablarga muvofiq tashkil etiladi.
Matematika fanidan imtihon oʻtkazish tartibi (9-sinf)
Imtihon ishining har bir varianti ikki qismdan iborat boʻlib, shakli va murakkablik darajasi turlicha boʻlgan 16 ta topshiriqni oʻz ichiga oladi.
1-qism 11 ta bir tanlovli test topshiriqdan tashkil topgan. Bunda oʻquvchi bitta toʻgʻri javobni belgilaydi.
2-qism kengaytirilgan javobli 5 ta topshiriqni oʻz ichiga oladi, ularda masalaning yechimini asoslab, chizmalari bilan taqdim etish lozim.
Har bir imtihon variantining savol va topshiriqlari matematika fani boʻyicha umumtaʻlim maktablarning 5-, 6-, 7-, 8-, 9-sinflari mavzularini, Sonlar va amallar, Algebra va funksiya, Statistika va ehtimollik hamda Geometriya va oʻlchash mazmun sohalarini qamrab olgan. Shuningdek, tavsiyada bilishga oid savollar, qoʻllashga va mulohazaga oid topshiriqlar boʻyicha baholash mezonlari keltirilgan.
Har bir variantda oʻquvchiga 16 tadan (10 ta algebra, 6 ta geometriya) savol beriladi.
Savollarning 4 tasi (2 ta algebra, 2 ta geometriya) bilishga, 10 tasi (7 ta algebra, 3 ta geometriya) qoʻllashga, 2 tasi(1 ta algebra, 1 ta geometriya) mulohazaga oid boʻladi. Variant topshiriqlarini bajarish uchun 180 daqiqa vaqt beriladi. Savollarga javoblarni yozish uchun maktab tomonidan oldindan tayyorlab (maktab shtampi bosilgan) qoʻyilgan A4 formatdagi qogʻozlarga yozadilar.
Matematika (Asosiy) fanidan imtihon oʻtkazish tartibi (11-sinf)
Imtihon ishining har bir varianti ikki qismdan iborat boʻlib, shakli va murakkablik darajasi turlicha boʻlgan 16 ta topshiriqni oʻz ichiga oladi.
1-qism 11 ta bir tanlovli test topshiriqdan tashkil topgan. Bunda oʻquvchi bitta toʻgʻri javobni belgilaydi.
2-qism kengaytirilgan javobli 5 ta topshiriqni oʻz ichiga oladi, ularda masalaning yechimini asoslab, lozim boʻlsa chizmalari bilan taqdim etish lozim.
Har bir imtihon variantining savol va topshiriqlari matematika fani boʻyicha umumtaʻlim maktablarning Algebra va analiz asoslari, Ehtimollar nazariyasi, Geometriya va oʻlchash mazmun sohalarini qamrab olgan. Shuningdek, tavsiyada bilishga oid savollar, qoʻllashga va mulohazaga oid topshiriqlar boʻyicha baholash mezonlari keltirilgan.
Har bir variantda oʻquvchiga 16 tadan (10 ta algebra, 6 ta geometriya) savol beriladi. Savollarning 4 tasi (2 ta algebra, 2 ta geometriya) bilishga, 10 tasi (7 ta algebra, 3 ta geometriya) qoʻllashga, 2 tasi (1 ta algebra, 1 ta geometriya) mulohazaga oid boʻladi. Variant topshiriqlarini bajarish uchun 180 daqiqa vaqt beriladi.
Savollarga javoblarni yozish uchun maktab tomonidan oldindan tayyorlab (maktab shtampi bosilgan) qoʻyilgan A4 formatdagi qogʻozlarga yozadilar.
Matematika (Chuqurlashtirilgan) fanidan imtihon oʻtkazish tartibi
(11-sinf)
Imtihon ishining har bir varianti ikki qismdan iborat boʻlib, shakli va murakkablik darajasi turlicha boʻlgan 20 ta topshiriqni oʻz ichiga oladi.
1-qism 15 ta qisqa javobli topshiriqdan tashkil topgan. Bunda javob bitta son, birligi bilan yozilgan kattalik yoki moslashtirilgan jadval koʻrinishida berilishi kerak.
2-qism kengaytirilgan javobli 5 ta topshiriqni oʻz ichiga oladi, ularda masalaning yechimini asoslab, chizmalari bilan taqdim etish lozim. Har bir imtihon variantining savol va topshiriqlari matematika fani boʻyicha umumtaʻlim maktablarning Algebra va analiz asoslari, Ehtimollar nazariyasi va Statistika mazmun sohalarini qamrab olgan. Shuningdek, tavsiyada bilishga oid savollar, qoʻllashga va mulohazaga oid topshiriqlar boʻyicha baholash mezonlari keltirilgan.
Har bir variantda oʻquvchiga 20 tadan (12 ta algebra, 8 ta geometriya) savol beriladi. Savollarning 5 tasi (3 ta algebra, 2 ta geometriya) bilishga, 13 tasi (8 ta algebra, 5 ta geometriya) qoʻllashga, 2 tasi (1 ta algebra, 1 ta geometriya) mulohazaga oid boʻladi. Variant topshiriqlarini bajarish uchun 240 daqiqa vaqt beriladi.
Savollarga javoblarni yozish uchun maktab tomonidan oldindan tayyorlab (maktab shtampi bosilgan) qoʻyilgan A4 formatdagi qogʻozlarga yozadilar.
