Жорий йилнинг 1 июлидан бошлаб my.gov.uz орқали ариза бериб, турли сабабларга кўра йўқолган ёки яроқсиз ҳолга келган ёки исм-шарифи ўзгарган фуқароларимиз уйдан чиқмасдан туриб шаҳодатноманинг дубликатини онлайн олиш имкони яратилган.
Шаҳодатнома – (арабча شهادة – гувоҳлик бериш) бирор ўқув юртини тамомлаганлик ҳақидаги расмий ҳужжат; гувоҳнома.
QR-код қўйилган дубликат аслига тенглаштирилган бўлиб, уни талабгор “Менинг аризаларим” бўлимидан мутлақо бепул юклаб олади. Шаҳодатнома дубликати юклаб олинганидан кейин ҳам тизимдан ўчиб кетмайди. Зарурат туғилганда уни қайта юклаб олиш имконияти мавжуд!
Янги хизмат доирасида:
- шаҳодатнома дубликати энди 5 кунда берилади (аввал ойлаб кутилган);
- шаҳодатнома дубликатини олиш учун my.gov.uz орқали ариза юборилади ва дубликат электрон шаклда портал орқали берилади (аввал ариза бериш учун ҳам, ҳужжатни олиб кетиш учун ҳам мактабга келинган);
- ариза онлайн шаклда, инсон омилисиз қабул қилинади, шахсий маълумотлар автоматик тарзда бошқа тизимлар билан интеграция қилинади ва бошқа ҳеч қандай ҳужжат сўралмайди (аввал мактабга 5 тагача ҳужжат тақдим этилган: ариза, ҳужжат йўқолгани ҳақида газета эълони, топилмалар идорасидан маълумотнома, паспорт нусхаси, фамилия ўзгаргани ҳақида ФҲДЁ бўлимларидан маълумотнома).
Бугунги кунга қадар 8 мингдан ортиқ фуқаролар шаҳодатнома дубликатини масофадан олишга улгурди.
🔥2.6 K марта кўрилди