География фанидан имтиҳон саволлари (2023)

Мазкур методик тавсияда якуний аттестация имтиҳонини ўтказиш бўйича кўрсатмалар берилган. Шунингдек, назарий саволларни ишларини баҳолаш бўйича мезонлар келтирилган. Якуний назорат имтиҳон билети умумий ўрта таълим мактабларидаги география курсларининг бўлимларидаги мавзуларини қамраб олган бўлиб, саволлар дарсликлар асосида тузилган.


География фанидан имтиҳон саволлари (2023)


География
9 синф

2022–2023 ўқув йилида умумий ўрта таълим мактабларининг 9 синфларида география фанидан якуний имтиҳон ушбу тавсия этилган билет саволлари асосида оғзаки жавоб бериш усулида ўтказилади.

Умумий ўрта таълим муассасалари методбирлашмаларининг йиғилиш қарорига мувофиқ якуний имтиҳони материалларига 15%-20% гача ўзгартиришлар киритиши мумкин.

Билетлар сони 30 та бўлиб, =ар бир билетда 3 та савол ва топшириқ берилган. Биринчиси 9-синф география курсида ўтилган мавзуларга оид назарий савол, иккинчиси 8-9 синф география курсида ўрганилган атамалардан иккитасини мазмун-моҳиятини очиб беришга қаратилган топшириқ, учинчиси эса харита билан ишлаш орқали ечиладиган амалий топшириқ тарзида берилган. Топшириқларга тайёргарлик учун 20 дақиқа вақт ажратилади.

Ўқувчиларни баҳолашда тўғри жавоб “5” баллик тизим асосида баҳоланади. Баҳолар умумлаштирилиб ўртача балл чиқарилади. Масалан: 5+4+3=12:3=4



География
11 синф

2022–2023 ўқув йилида умумий ўрта таълим мактабларининг 11 синфларида география фанидан якуний имтиҳон оғзаки сўров шаклда ўтказилади. Ҳар бир ўқувчи биттадан билетни танлаб олади. Имтиҳон билетида 3 та савол ва топшириқ берилган. Биринчиси 10 синф география курсларида ўтилган мавзуларга оид назарий савол, иккинчиси 10 синф география курсида ўрганилган атамалардан иккитасини мазмун-моҳиятини очиб беришга қаратилган топшириқ, учинчиси эса харита билан ишлаш орқали ечиладиган амалий топшириқ тарзида берилган. Тайёргарлик кўриш учун 20 дақиқа вақт берилади.

Ҳар бир саволга жавоб 5 баллик тизим асосида баҳоланади. Баҳолар умумлаштирилиб, ўртача баҳо чиқарилади. Масалан: 5+4+3=12:3=4.

 


🔥2.9 K марта кўрилди

Fikr bildirish

55863853