O‘quvchilarga, ularning ota-onalariga qulaylik yaratish maqsadida Telegram orqali “eMaktab” elektron jurnaliga obuna bo‘lish uchun to‘lovni amalga oshirish imkoniyati ishlab chiqildi.
Telegram orqali to‘lovni amalga oshirish uchun quyidagi amallar ketma-ketligi bajariladi:
1. Telegram tarmog‘ida @emaktabuz_bot botiga kiramiz.
2. Boshlash uchun “Ishga tushirish” buyrug‘ini bosamiz.
3. O‘zimiz uchun qulay tilni tanlaymiz.
4. Menyuda “Obunaga to‘lash” bandini tanlaymiz.
5. “Profilga kirish”ni tanlaymiz hamda o‘zimizning login va kalit so‘zimizni kiritamiz.
6. Bot siz to‘lamoqchi bo‘lgan o‘quvchini tanlashni taklif qiladi (agar siz ota-ona bo‘lsangiz) va obuna turini (agar siz o‘quvchi bo‘lsangiz) tanlashni taklif qiladi.
7. click.uz to‘lov turini tanlaymiz.
8. Agar telefonda klik ilovasi o‘rnatilgan bo‘lsa, u holda bot bizni ilovaga o‘tkazadi. To‘lovni tasdiqlash kerak bo‘ladi. Agar telefonda klik ilovasi o‘rnatilmagan bo‘lsa, bot bizni to‘lov formasida klik saytiga olib boradi, u yerda klik bilan bog‘liq telefon raqamini kiritish yoki karta ma’lumotlarini kiritish orqali ko‘rsatilgan to‘lovni amalga oshirish mumkin.
To‘lov tasdiqlangandan so‘ng botga to‘lov muvaffaqiyatli amalga oshirilganligi haqida bildirishnoma yuboriladi.
