Бир киши — бир овоз: «Open Budjet»га овоз бериш жараёнлари бошланди. Овоз беришда нималарга эътибор бериш керак?
Овоз беришда қуйидагиларни ҳисобга олишингиз керак:
1. Эндиликда “Бир киши — бир овоз” принципи амал қилади. Яъни номингизда нечта сим-карта бўлишидан қатъи назар фақат бир марта овоз бера оласиз;
2. Агар оилада ҳамманинг телефон рақами бир кишининг номида бўлса, унда шу оила фақат битта овоз бера олади дегани. Бошқалар ҳам овоз бериши учун ёки номига янги телефон рақам олиши, ёки ўзи ишлатаётган рақамни ўзининг номига қайта расмийлаштириши керак;
3. Эндиликда юридик шахс номида бўлган сим-карталар орқали овоз бериб бўлмайди. Сим-карта албатта жисмоний шахс номига олинган бўлиши керак;
4. “1500 та овоз олса, аниқ ғолиб бўлади” деган қоида йўқ. Ғолиблар туман (шаҳар)га ажратилган маблағ доирасида энг кўп овоз олган лойиҳалар бўлади.
❗️Ҳозирда «Open Budjet» бўйича техник носозлик сабабли овоз бериш вақтинча тўхтатилган ва 16 март 00:00 дан давом эттирилади – Иқтисодиёт ва молия вазирлиги.
📞 Тизим фаолиятига оид қўшимча саволларингиз юзасидан ушбу рақам орқали мурожаат қилишингиз мумкин: +998712035050
