Ўзбекистон Республикаси таълим муассасаларига ўқишга қабул қилиш бўйича Давлат комиссиясининг 10-сон баёни билан 2021-2022-ўқув йили учун республика олий таълим муассасаларининг бакалавриат таълим йўналишларига мос тест синови топшириладиган фанлар мажмуаси, тест топшириқлари сони ҳамда баҳолаш мезонлари тасдиқланди.
Бу йил максимал балл 280,5 балл бўлади. 3та мажбурий фан блокидан имтиҳон олиниши аниқ бўлди: она тили, математика ва Ўзбекистон тарихида жами 45та савол бўлиб, уларнинг ҳар бирига 2,1 баллдан берилади, деб хабар қилди ДТМ.
Таълим йўналишига мос фанларга 3,1 баллдан берилади. Бу блокда 2тадан фан бор. Масалан, юриспруденция йўналишида имтиҳон тарих ва чет тили ҳамда 3та мажбурий фандан бўлади.
Барча тест топширувчилар учун мажбурий 3 та фан (максимал балл – 94,5 балл):
1. Она тили (ўзбек, рус, қорақалпоқ ва бошқа тиллар) – 15 та савол, тўғри жавоб учун – 2,1 балл.
2. Математика – 15 та савол, тўғри жавоб учун – 2,1 балл.
3. Ўзбекистон тарихи – 15 та савол, тўғри жавоб учун – 2,1 балл.
Бакалавриат таълим йўналишига мос 2 та фан бўйича (максимал балл – 186 балл):
👉 1-фан – 30 та савол, тўғри жавоб учун – 3,1 балл.
👉 2-фан – 30 та савол, тўғри жавоб учун – 3,1 балл.
Тест синови топшириладиган фанлар мажмуаси
