Хорижий давлатлардан ўқишни кўчириш бўйича аризаларни қабул қилиш бошланди. Бу ҳақда Давлат тест маркази хабар қилмоқда.
Талабалар ўқишини хорижий мамлакатларда фаолият юритаётган (жумладан, халқаро тан олинган рейтингларда биринчи 1 000 та ўриндан бирини эгаллаган) олий таълим ташкилотларидан давлат олий таълим муассасаларининг мос ва турдош таълим йўналишларига кўчириш бўйича аризаларни онлайн қабул қилиш бошланди.
Хорижий давлатлардан ўқишни кўчириш бўйича аризаларни қабул қилиш my.dtm.uz сайтининг «Ўқишни кўчириш» (хориждан) бўлими орқали амалга оширилади.
Хорижий давлатлардан ўқишни кўчириш бўйича ўтиш баллари Олий ва ўрта махсус таълим вазирининг тегишли буйруғи билан тасдиқланган бўлиб, ўтиш баллари билан info.edu.uz сайти орқали танишиш мумкин.
Жорий ўқув йили учун талабалар ўқишини кўчириш, қайта тиклаш бўйича аризалар қуйидаги электрон тизимлар орқали рўйхатдан ўтказилади:
👉 transfer.edu.uz ҳамда my.dtm.uz — республика ОТМлараро ёки бир ОТМ доирасида кўчириш, қайта тиклаш бўйича аризалар;
👉 my.dtm.uz — хорижий мамлакатлардаги ҳамда Ўзбекистондаги хорижий ва нодавлат ОТМдан республика ОТМга кўчириш бўйича аризалар.
Рўйхатдан ўтиш 2022 йил 15 июлдан 5 августгача (шу куни ҳам) давом этади.
Керакли ҳужжатлар:
- Ариза;
- Паспорт (jpg ёки pdf шакли);
- Транскрипт ёки рейтинг дафтарчаси (jpg ёки pdf шакли);
- Академик маълумотнома (ўқишни тикловчилар учун).
Эслатма: Жорий йилдан бошлаб фақат 2 тоифа талабаларгагина ички перевод учун ўқишини кўчиришга рухсат берилади.
Талабалар ўқишини хорижий мамлакатларда фаолият юритаётган олий таълим ташкилотларидан давлат олий таълим муассасаларининг мос ва турдош бўлмаган таълим йўналишларига кўчиришга рухсат этилмайди.
